Nobeta Ocalanî rê Azadîye ya ke vernîya Konseya Ewropa ya Strasbourgî de dewam kena, no hewte endamanê Merkezê Yewîyî yê Komalanê Êzidîyan (NAV-YEK) dewr girewte.

Nobeta Azadîye hewt serrî yo dewam kena û her hewte grubêk nobete dewr gênê. Wareyê çalakîye de posterê Ocalanî eameyê akerdene û kesê ke cugehî ra derbaz benê zanayîşî yenê dayene.

Azadîya Rayberî azadîye şarê Kurdî ya

Bi nameyê Meclîsê Êzidîyan Pêşîmam Hiznî eşkerayîye daye û ard ziwan ke şarê Kurdî prosesêkê krîtîkî ra derbaz beno û bale ante serê grevê vêşanîye. Hîznî vat, “Sere de cimatê Êzidîyan ganî şarê Kurdî bi seferberîye prosesî ra wayîr bivejîyo.  Goreyê ma azadîya Rayber Apoyî yena manaya azadîya şarê Kurdî. Seba ke girewteyê bînî çalakîya fedaîye nêkerê, ganî şarê Kurdî her wareyan de mîyanê çalakîyan de bibo.’’ Pêşîmam Hiznî vengdayîş bi Konseya Ewropa û CPT’yî kerd ke wa cewab bidê waştişanê çalakwananê grevê vêşanîye.