Hemserekê Merkezê Cimatê Demokratîkî yê Kurdan (NCDK) ê herême Skåne Ferman Sîverekî destpêk de qisey kerd û ard ziwan, NCDK’yî yê Malmoyî teyna seba Kurdan ney, seba koçberanê bînan ê herême zî do bibo merkezêk.

Hemserekê NCDK’yî yê Swêdî Ridvan Altûnî zî rewşa peyêne ya Kurdistan û Tirkîya ercnaye û da zanayene, ê do tekoşînê azadîye yê şarê Kurdî reyde paştdayîşê xo ewro û ewro ra tepîya zî xurtir dewam bikerê.

Rayberê rêxistinanê bi nameyê "Komîteya Rojawanî" û "Her çî yê her kesî yo” merasîmê akerdişê NCDK'yî de qisey kerd û ard ziwan ke paştdayîşê înan do dewam bikero.

Seba Hemserekatîya NCDK’yî yê Malmoyî, kongreya çend mengî verê cû de Medîa Rojava û Zulfukar Dêrsim ameybî weçînayene.