Bajarê Frankfrutî yê Almanya de ewro Newroza fînale ya Almanya ameye pîrozkerdene. Şayîya Newroze de vengê Rayber Apoyî ra mesajê ci ekranê girdî ra ame wendene.  Badê wendişê mesajî vengê “Biji Serok Apo” bi berz.

Dima ra Berpirsîyara Karanê Teberî yê Rojawanî Îlhame qisey kerd. Îlhame Ehmed nê vatî: ''Mi herra şoriş û xoverdayîşî ya Rojawanî ra şima rê selamî ardî. Newroze, Newroza xoverdayoxan, şehîdan û Rayber Apoyî ya. Ma ewro wextê tarîxî ra ravîyarenê. Badê seserran wextê azadîya şarê kurdî û şaranê Rojhelatê Mîyanênî ame. Ewro şarê kurdî çar parçeyan de bi yew vengî vano ‘Bijî Kurd û Kurdistan’ û teberê azadîye de çîyêk qebul nêkeno.Ewro Rojawan de semedê çareserîya sîyasîye gamê muhîmî yenê eştene. Heta nika hetê kurdan ra averşîyayîşê muhîmî bîyî. Roşanî ra dima ma do xeberanê mijnaninan bidê şima. Badê îlankerdişê îtîfaqî heyetê kurdan do îradeyê Şamî reyde pêvînayîş bikero û waştişanê xo vajo. Ma soz danê ke do şarê Efrînî agêro herra xo. Rayber Apoyî zîndanî ra proseso tarîxî da destpêkerdene. No proses muhîm o.Gerek her kes semedê averşîyayîşê prosesî û çareserîya meseleya kurdan bixebito.''

Dima ra temsîlkarê Sendîkaya IG Metallî Michael Erhardî qisey kerd. Şayîye bi govned û deyîranê Hozan Dînoyî dewam kerd.

Wekîlê Partîya Çepe Ferhat Koçak zî Roşanê Newroze fîraz kerd û operasyonê vera cehdkerdişê pêkerdişê bajarî yê Îstanbulî hersê xo ard ziwan. Koçakî xoverdayîşê Rojawanî selam kerd û qiseykerdişê xo bi slogana “Biji Berxwedana Rojava!” temam kerd.

Şayîya Newroze bi goştarîkerdişê deyîranê Trio Sêreng, Yelda Abbasi, Hunerî Mizgîn, Hozan Comert û Koma Hezexî qedîyaye.