Şayîya Newroze ya fînale ya Almanya  Parka Rebstockî ya Frankfurt de bi coşê pîlî dest pêkerd. Şayîya ke bi şîarê 'Komelo Demokratîk û Rayberîya Azade'  yena kerdene, çar hetanê Almanya ra kurdî û dostê ci tewrê ci bîyî.

Warê Newroze bi kincanê neteweyîyan û beyraqan ame xemilnayene, sehne de pankartê Newroze Pîroz bo ame daliqnayene û sloganê “Biji Serok Apo” benê berz. Pîya bi fotografanê Rayber Apoyî beyraqê PKK, YPG û YPJyî yenê têşanayene. Reyna fotografê gerîlayanê qehremanan ke têkoşînê azadîye de şehîd bîyî yenê kiriştene.

Programê Newroze bi rêzgirewtişî dest pêkerd. Hemserekanê KON MEDî Emine Ruken Akça û Kerek Gokî şar qiseykerdişêk ker dû Newroza Rayber Apoyî û şarê kurdî pîroz kerd.

Hemserekê KNKyî Ahmet Karamusî zî nê vatî: ''Vengdayîşê Haştîye û Komelê Demokratîkî yê Birêz Ocalanî seserra 21ine de do rayîrê şarê kurdî abikero. Ma wayîrê nê vengdyaşî vejîyenê û bi nameyê şarê xo paştî danê ci. Şarê ma Newroze de îradeyê xo mojna ra, paştî daye vengdayîşê Rayber Apoyî.  Şarê kurdî haştîye, nasanme, statu û azadîye wazeno û çar paçeyan de têkoşîn keno. Yewîya ke Rojawan de ameye îlankerdene, semedê cigêrayîşê çareserî û haştîye yê kurdan gamêka muhîm a. Na yewîye semedê kurdan û patîyan destpêkerdişo nimûne yo. Ma bi heme hêzê xo paştî danê ci.''

Programê Newroze bi deyîranê Koma Hunera Azadî dewam keno.