Hemserekê Komeleya Elewîyan ê Demokratîkan (DAD) a Anqara Mustafa Karabudakî îfade kerd ke polîtîkaya dewlete ra semed elewîyî benê hedef û nîşankerdişê mal û cayanê înan qirkerdişî anê vîrî.

Karabudakî bale ante mîsalê Erzîncan, Meletî, Anqara, Îstanbul, Yalova û Tokatî ser û vat: ''Almusê Tokatî de dewî ameyî nîşankerdene. Xerîtaya dewan a Tokatî ser o dewê elewîyî ameyî nîşankerdene. Xizmet goreyê dewe bi dewe vurîyeno. Na reşw netîceya pol3itîkaya dewleta tirk a. Kesê ke keye û berê elewîyan nîşan kenê, do hêrişê keye, zîyaretgeh û cemxaneyan zî bikerê. Serranê 1978-80an de berê elewîyî rojêke ameybî nîşankerdene. Roja bîne zî nê elewîyî ameyî qetilkerdene. Nê nîşankerdişî ê qirkerdişan anê vîrî. Wextê Osmanij û Sulçukijan de zî xîretê winasênî estbî.''

Karabudalî da zanayene ke nêzdî de komele, weqif û odayan rê zî qeyûm bêro tayînkerdene û vat: ''Ma çend mengî verî waşt ke derheqê qeyûman de eşkerayîye bidê la dewlete naye rê zî texamul nêkerd. Heta ke ma yew nêbê ma nêeşkenê na meseleya qeyûman safî bikerê. La ferasetêko winasên esto 'Ma xo nêdê vernî wa dest nêdê ma' La derheqê mesele de xebatê ma do dewam bikerê.''