Goreyê zanayîşan polîsanê tirkan ewro Pirsûs û Nisêbînî de eşt xeylêk keyeyan ser û teror kerd. Nisêbîn de Şoreş Saltikalp, Engîn Aykut, Mehmet Emîn Nergîz û Namet Dogan, kesêko ke nameyê ci nêzanîyeno ameyî destbendkerdene.

Bahaneya destbendkerdişî tewrbîyayîşê çalakîyanê ke serra 2015-2016î de dewleta tirke wexto ke Kurdîstan de qirkerdiş kerdêne, ameyêne serûberkerdene. Derheqê dosya de bira 'nimitke' ameye girewtene, 24 saetan avûkatî do nêeşkê muwekîlanê xo bivînê.

Qezaya Pirsûsî ya Riha de zî polîsanê tirkan Mazlum Asaf Çevîk, Osman Ozlu û 2 kesê ke nameyê înan nêzanîyenê dest bend kerdî. Ame vatene ke îfadeyê kesêkî/e ser o nê 4 kesî ameyî destbendkerdene.

9ê hezîrane de zî pê heman îdîayan Mehmet Tavas û cinîya ci Kiymete Tavas ameybî destbendkerdene.