Hewteyo 356. de çalakîya “Ocalanî rê azadîye” ya bajarê Strasbourgî yê Fransa de, hetê çar Kurdistanijanê Rojawanî yê ke Awusturya ra ameyê  yena viraştene. Heme Hecî Elî, Mahmût Heme, Mehemet Hesekî û Bavê Metîn Heme Kobanê nobete dewr girewte.

Bi nameyê çalakwananê nê hewteyî, Heme Hecî Elîyî qisey kerd û bêvengîya dinyaye bi taybetî ya welatanê Ewropa şermezar kerde. Vervatoxê grube ard ziwan, teberê heqanê merdiman û têduştîye waştişê bîn ê Kurdan çin ê û da zanayene ke, têkoşîno ke Kurdan  Kobanê de dest pêkerd û Baxoz de bi qedênayîşê DAÎŞ’î rest netîce, teyna seba Kurdan ney, seba heme merdimîye yo.

Vervatoxê grube da zanayene, ê bêvengîya Ewropa ya vera Kurdan û Ocalanî qebûl nêkenê û vengdayîş bi Komîteya Vernîgirewtişê Îşkenceyî (CPT) kerd, ke vera tecrîdkerdişê Rayberê Şarê Kurdî Abdullah Ocalanî bikewa mîyanê têgêrayîşî.

Nobeta “Ocalanî rê azadîye” çalakîya tewr demderg a bêmabên a Kurdan a, 25'ê Hezîrane 2012 de dest pêkerdebî. Ame zanayene ke çalakîye heta azadîya Ocalanî do bêra dewam kerdene.