Nobeta Ocalanî rê Azadîye ya ke bajarê Strasbourgî yê Fransa de verê KE û CPTyî de yena viraştene kewte hewteyê 340.

No hewte bajarê Pforzheîmî yê Almanaya ra grûba ke Cemîl Furen, Apo Şîrnex, Elî Erlî, Rodî Amed û Yekbun Amed tede ca gênî, çalakîye dewr girewte.

Apo Şirnexo ke bi nameyê grûbe qisey kerd, bale ante grevê vêşanîye yê Strasbourgî û va: ‘‘Ma sey şar prosesê zehmetî ra ravêrenê. Hemrayanê ma semedê azadîya Rayber Apoyî bedenê xo mergî rê rakerd. Dinya derheqê azadîya Rayberîye de kor û ker a. La Rayberîye rê giredayîye reyna yena îspatkerdene. Şarê Kurdî bi çalakîyan Rayberê xo rê wayîr vejîyeno.

Çalakîya ke 25ê Hezîrane ya 2012î de ameye destpêkerdene, menga ravêrtî de selahîyetdaranê Fransa demo kilm qedexe kerde, bê naye bi hewayêkê binîzamî her roje yena domnayene.