Bajarê Strasbourgî yê Fransa de seba azadîya Rayberê Şarê Kurdî Abdullah Ocalanî 25ê hezîrana 2012î ra nata çalakîya Nobeta Azadîye yena kerdene. No hewte çalakîye hetê 4 welatperweranê ke bajarê Nurnbergî yê Almanya ra ameyî, ameye dewrgirewtene.

Roni Algur, Mazlum Eren, İbrahim Demir û Mehmet Algurî nobete dewr girewt û veng da ke wa vera tecrîdê Îmraliyî têkoşîn bêro xurtkerdene.

Ronî Algurî ke bi nameyê kome qisey kerd nê vatî: ''Îmrali de sûcê merdimîye yeno kerdene ke hema sûco winayên nêameyo dîyene. Rayberê Şaran Birêz Abdullah Ocalan 1265 rojî yo  keye û avûkatanê xo reyde nêeşkeno pêvînayîş bikero. Mifteyê edaletî û haştîye yê Rojhelatê Mîyanênî Îmrali de yo. Îmrali de îşkence û tecrîdo giran est o. Ganî vera tecrîdî têkoşîn bêro xurtkerdene''