Serkêşîya Înîsîyatîfê Abdullah Ocalanî rê Azadîye de, 25ê hezîrana 2012î ra nata seba azadîya Rayberê Şarê Kurdî Abdullah Ocalanî Strasbourg de Nobeta Azadîye yena kerdene.

Nobeta Azadîye hewteyê 628inî de hetê koma Hessenî ra ameye dewrgirewtene. Kome de kurdîstanijî Mehmet Şerîf Narman, Haci Mûstafa û Omer Îkman cagênê. 

Narmanî nameyê kome ser o qisey kerd û vist vîrî ke tewr tay 40 mengî yo Rayberê Şarê Kurdî Abdullah Ocalanî ra xebere nêna girewtene. Narmanî vat: ''Ma wayîrê Rayberîya xo vejîyê.''

Narmanî bale ante Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' ser û vat: ''Ma hêvî kenê ke bêvengîya vera tecrîdî bişiknê. Ganî ma Rayberê xo azad bikerê.''