Nobeta Azadîye  ya ke semedê azadîya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 529. de dewam kena.

Çalakîya ke her hewte hetê yew grûbe ra yena dewrgirewtene no hewte hetê endamanê Merkezê Komelê Demokratîkî yê Kurdan ê Sachsenê Almanya ra yena rayraberdene. Grûba newî de Mustafa Gungorur, Abdullah Karakaş, Taner Çelik ca genê.

Mustafa Gugorurê ke bi  nameyê grûbe qisey kerd Rayberê Şarê Kurdî Abdullah Ocalan sey îradeyê şaran name kerd û vat: ''Şexsê Rayberîye de yeno waştene ke îradeyê şarê kurdî bêro teslîm girewtene la Rayberîye bi têkoşînê xo komployê mîyanneteweyî betal kerd ke no yeno manaya newe ra ganîbîyayîşê kurdan. Dewleta tirke vera Rayberîye û şarê ma  sûcanê merdimîye kena û dewletê Ewropa hemkarê nê sûcan ê. Ma pê na çalakîye wazenê îxanetê Ewropa yê vera kurdan teşhîr bikerê. Ganî CPT û dezgehê eleqedarî yê bînî cade semedê azadîya Rayberîya ma game bierzê. Sere de ciwanê kurdan ganê kurdî paştî bidê têkoşînê tarîxîyî yê gerîlayan ê Zap, Metîna û Avaşînî û têkoşînî pîlêr bikerê.''