Nobeta Azadîye  ya ke semedê azadîya Rayberê Şarê Kurdî Abdullah Ocalanî  bajarê Strasbourgî yê Fransa de dîyaye destpêkerdene serra 11. de bi hewayêkê qerardarî dewam kena.

Çalakîya ke her hewte hetê yew grûbe ra yena dewrgirewtene no hewte hetê endamanê Merkezê Komelê Demokratîkî yê Kurdan ê Munîhê Almanya ra yena rayraberdene. Grûbe de Mucahit Kaya, Haci Atli, Nurettin İnca û Emrah Toprak ca genê.

Mucahit Kayayî ke bi nameyê grûbe qisey kerd gerîlayê ke bi mengan o Herêmanê Pawitişî yê Medya de vera hêrişê îşxalî yê dewleta tirke yo ke bi payşdayîşê PDKyî yeno kerdene, xo ver danê selam kerdî.

Kayayî bale ante ser Rayberê Şarê Kurdî Abdullah Ocalan 1999 de bi komployêkî teslîmê dewleta tirke bi û vat a roje ra nata vera kurdan sîyaseto leymin yeno rayraberdene.

Kayayî welatê Ewropa sey hemkarê sûcanê ke Kurdîstan de yenê kerdene hesibnayî û vat: ''Şima her cayê Kurdîstanî de kurdan qir kenê. Şima vizêr Zaxo de cinî, qic, sîvîlî qetil kerdî. Şima kurdan mirênenî, qirkerdiş kenê. Destanê xo yê leyminan kurdan ser ra biancê. Rayber Apoyî veradê. Ma ewro tîya de yê, siba zî ma do tîya bi. Heta azadîya Rayber Apoyî ma do nobete de bi.''