Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyabî, lajê xo Ferît Şenyaşarî reyde  522 rojî yo verê Edlîyeya Riha de nobeta edaletî gêna.

Polîsan nêverda ke keyeyê Şenyaşarî debikewo dekewtişê edlîye coka keye 'goşeyê edaletî' de dest pê nobete kerd. Platformê Kede û Demokrasî yê Riha zî tewrê nobete bi.

Vervatoxê Platformê Kede û Demokrasî Gokhan Dayikî îfade kerd ke Şenyaşarî wazenê ke Fadil Şenyaşar bêro veradayene, faîlî bêrê muhakemekerdene û dosyaya nêweşxaneyî bêra akerdene. Dayikî vat: ''Keye rehme nê edaletî wazeno. Normal nîyo ke dosyaya nêweşxaneyî yena nimnayene. Eşkera yo serê dosya de hesabê nimiteyî û tedaya sîyasîye est ê. ''

Ferît Şenyaşarî zî pare kerd ke ê do rixmê pêro tedayan zî waştişê xo yê edaletî tim bîyarê ziwanî.