Keyeyanê tepişteyanê nêweşan û ê tepişteyanê ke înfazê înan ameyo vêşnayene roja 273. ya Nobeta Edaletî de verê Zîndanê Amedî de eşkerayîye daye. HDP, DBP, MED-DER, MEBYA-DER û TUAY-DERî zî paştî daye çalakîye.

Kênaya tepişte Abdulhalîm Kirtayî Herdeme Kirtay nameyê keyeyan ser o qisey kerd û da zanayene ke 10 mengî yo waştişê înan ê serê tepişteyanê nêweşan nênê caardene û vat: ''Rewşa tepişteyan her roje bena giranêr. Her roje zîndanî ra cenazayî vejîyenê. Ganî her kes wayîrê na çalakîye vejîyo. Heta nika partîyê sîyasîyî wayîrê na nobete nêvejîyayî. Eke qanûnî biameyêne caardene hende tepişteyan zîndan de dinyaya xo nêbedilnayêne. Wa Wezîrîya Edaletî û partîyê sîyasîyî vengê ma hînî bieşnawê.''

Çalakîye pê slogananê sey 'Biciwîyo Xoverdayîşê Zîndanan' qedîyaye.