Grevê vêşanîye yê girsekî yê biagêrayîşî, ke vera tecrîdkerdişê Rayberê Şarê Kurdî Abdullah Ocalanî bajarê Strasbourgî yê Fransa de yeno viraştene, ewro newe ra do dest pê bikero.

Nobeta “Ocalanî rê azadîye” ya ke 7 serrî yo verê banê Konseya Ewropa de yena viraştene, dewam kena. Nobedarê hewteyê derbazbîyayî, endamê Têgêrayîşê Cinîyan ê Kurdan ê Ewropa (TJK-E) Naîle Kûrte, Cemîle Aslane, Xane Yildize û Ayne Yalçine bîyî.

Nobedarê nê hewteyî zî endamê Têgêrayîşê Ciwanan ê Şorişgêran (TCŞ) yê.Bi nameyê gruba TCŞ'î Ferzad Dînoyî qisey kerd û ard ziwan, ciwanê Kurdî do tecrîdkerdişê Ocalanî  cara qebûl nêkerê. Dînoyî da zanayene ke, ciwanê Kurdî do Rayberê xo rê  wayîr bivejîyê.  

Endamê TCŞ'î vatişê ‘Ma ciwan dest pêkerd, ma do ciwan ser bikewê’ ê Ocalanî ard vîrî û ard ziwan, Ocalanî estbîyayîşê Kurdan  dinya rê da  qebûlkerdene. Çalakwanî ard ziwan, fikrê Ocalanî seba înan talîmat ê û vat, ê wazenê tecrîde serê Rayberê Şarê Kurdî Abdullah Ocalanî bêro wedaritene.

Endamê TCŞ'î bale ante serê kampanyaya ‘Sere wedare’ ya seba azadîya Ocalanî û Kurdistanî û ard ziwan ke têkoşînê ciwananê Kurdan do ser bikewê.