Nobeta ke vernîya KE de dewam kena 25ê Hezîrane 2012 de dest pêkerdebî. Çalakîya nobete ya ke hewteyo verên hetê grûbêka bajarê Dortmundî ra amî rayraberdene, no hewte hetê Kurdan ê bi nameyê Yaşar Ertaş, Yahya Aslan, Mustafa Teznî û Harunî ra yena dewamkerdene.   

“ESARETÊ Ê NÊNO QEBÛLKERDENE”

Eşkerayîya grûbe de ame vatene ke esaretê 20 serrî yê Rayberê Şarê Kurdî Abdullah Ocalanî do nêro qebûlkerdene. Grûbe ard ziwan ke Kurdî wazenê mîyanê aşitî û biratî de biciwîyê. Eşkerayîye de veng ame dayene ke peynî bi esaretê Rayberê Şarê Kurdî  bêro ardene û bêvengîya Konseya Ewropa û Komîteya Vernîgirewtişê Îşkenceyî (CPT) amî rexnekerdene.

Çalakwanê Nobeta Ocalanî rê Azadîye hewteyê 339inî de zî rixmê hewayê serdinî de saetanê sibayî ra heta şand nobete gênê.

Wareyê çalakîye de panoyê ke ser de sloganê seba azadîya Ocalanî ameyê nûştene estê, derheqê çalakîye de hayîdarîyî dîyenê şaro ke verê çalakîye ra vêreno. Nobeta Ocalanî rê Azadîye çalakîya tewr derge ya Kurdan a. Yeno texmînkerdene ke heta nika nizdê 2 hezarî kesî tewrê çalakî bîyê.