Nobeta ke qezaya Pirsûsî ya Riha de ya ke sînorê Kobanê de ya serkêşîya DEM Partî, DBP û TJA de dîyaye destpêkerdene roja 8ine de dewam kerde. Amed û Riha ra ewro xeylê kesî tewrê çalakîye bîyî.

Rixmê serd û varayîşî nobete de hêrişê îşxalî yê vera Rojawanî ameyî protestokerdene. Çalakîye de semedê tewrbîyayîşê çalakîya ke do 3ê çeleyî de Pirsûs de bêro kerdene ame vengdayene.

Wekîlê DEM Partî yê Riha Ferît Şenyaşarê ke çalakîye de qisey kerd bale ante paştdayîşê bi Kobanê ser û vat: ''Ganî Erdogan çeteyanê xo yê bi pereyan Rojawanî ra peyser bianco. Vizêr Îmraliyî ra mesajo muhîm ê Rayberîye ame. Ma zî wayîrê nê mesajî vejîyenê. Ganî no mesaj bêro wayîrvejîyayene. Ma do bi ruhê Kobanê semedê Rojawanî çalakîyanê xo rê dewam bikerê.''