Warê Şîşhane yê Beyogluyî yê Îstanbulî de nobeta vera destsernayîşê Şaredarîya Colemêrgî roja 43ine de dewam kerd. Çalakîkeran sloganê sey “Qeyûm dê biçe em ê bimînin” “Em ê bi berxwedanê serbikevin”, “Bijî berxwedana zindanan”, “Bila bimre faşîzm” û “Li ber xwe bide Colemêrg Stenbol bi te re ye” vatî.

Îdarekarê DEM Partî yê Sancaktepe û mamostayê Enstîtuyê Kurdkî Erkan Oztaşî çalakîye de vat: ''Faşîzmê vera kurd, sosyalîst û şorişgêran zêdîyenê. Ma qeyûmî şermezar kenê, ganî ma xoverdayîşê xo rê dewam bikerê.''

Nameyê KESKî ser o Zeynepe Çitlak vat: ''Ma tîya ra  venga îqtîdarî danê ke wa şaredarîyan bidê wayîranê ci.''

Endama Meclîsê Cinîyan ê HDKyî Halîme Altintaş vat: ''Ferasetê qeyûman dewam keno. Ê wazenê îradeyê kurdan çin bikerê û polîtîkayanê kolonyalîzmî aver berê.''

Çalakîye bi sloganê “Qeyûm dê biçe em dê serbikevin” qedîyaye.