Çalakîya 'Nobeta Azadîye' 25ê hezîrana 2012î ra nata şaristanê Strasbourgî yê Fransa de semedê azadîya Rayberê Şarê Kurdî Abdullah Ocalanî yena kerdene. Hewteyê 480. de  nobete pê ciwananê kurdan ê Hamburgî dewam kena.

Koma Hamburgî de Hasna Aydin, Mîrza Botan û Seyîd Munzur ca gênê.

Nameyê çalakîkeran ser o Mîrza Botanî qisey kerd û pare kerd ke ciwanê kurdî pê na çalakîye wayîrê Rayberê Şarê Kurdî Abdullah Ocalanî vejîyenê. Botanî vat: ''Rayberê ma Îmrali de vera komployî xoverdayîşêko pîl mojna û vera înkar û qirkerdişê kurdan xetêka xoverdayîşî awan kerde.'' Botanî vat ke ciwanî zî serê nê xoverdayîşê tarîxî têkoşînê xo rê dewam kenê.

Mîrza Botanî vat: ''Tirkîya komplo zî tede pêro sûcanê vera kurdan pê paştdayîşê Ewropa kena û pê rayîrê Nobeta Azadîye ma nê dewletan rê mojnenê ke kurdî qetî têkoşînî ra fek vera nêdanê. 

Ganî her kes vera tecrîd, îşxxal û qirkerdişî wurzo payan ser. Ez venga ciwananê kurdan dana ke dormeyê têkoşînî de bêrê yewca.''