5 nuştox û rêxistinê heqanê merdiman ê Swêdî wayîrê Erene Keskîn vejîyayî ke Erene Keskîn seba ke azadîya îfade û çapemenîye, azadîya cinîyan û heqanê merdiman pawena dewleta tirke aye kena hedef. Keskîne seba ke mudira karê nuşteyî yê rojnameyê Ozgur Gundemî bibî 15ê çeleyî de do bêra hukmkerdene.

Nuştox û rêxistinanê heqanê merdiman Wezîrê Edaletî yê Tirkîya rê mektubêko hempar erşawit. Klubê PENî yê Swêdî, Merkezê Olof Palmeyî, Rêxistina Efû ya Mîyanneteweyî, Avûkatanê Sînornenasan, Fonê Anna Lindch mektub de vist vîrî ke Keskîne 15ê sibate de do vejîya verê mehkeme û vera muxalîfan tedaya girane yena kerdene.

Mektub de dîya zanayene ke yeno waştene ke Keskîne seba ke mudirîya karê nuşteyî kerde wa ceza bigêra. Mektub de wina ame vatene: ''Dozger bi îdîaname vano ke Erene Keskîn paştî daye rêxistina terorî û eke a bêra hukmkerdene do cezayêka girane bigêra.''

Nuştox Elsabethe Ohlin derheqê babete de ANFyî rê qisey kerd û vat: ''Erene Keskîn pawitoxa heqanê merdiman a û seba naye têkoşîn kena.''

Nuştox Kurdo Baksîyî zî waşt ke wa dewaya Erene Keskîn bêra batalkerdene.