Nuştox Haydar Işik (84) ewro şaristanê Munihî yê Almanya de nêweşîya kanserî ra şi heqîya xo.

Haydar Işik qezaya Qisle ya Dêrsimî de 1ê êlula 1937î de dadîya xo ra bîyo. Ey Mûş û Dêrsimd e 3 serrî mamostatîye kerde û 1974 de zî Beşê Eczakerîye qedîna. Işikî dima koçê Almanya kerd û vera asîmîlasyonê dewleta tirke xeylêk kede daye.

Ey kitabê sey Dersimli Memik Aga, Dersim Tertelesi, Almanya’da Yitenler, Multeci Munzur, Arevik, Şafagi Beklemeyecegiz, Xecê’nin Dersim Kefareti, Şerkoy’dan Selahaddin Eyyubiye, Son Siginma, Bitlis Beyi Abdal Hanî nuştî. Xeylêk kitabê ci açarîyayî almankî û ey bi xo zî xeylêk kitabî açarnayî.

14 serrî verî polîsanê almanan eştbi keyeyê ey ser û Işik vejîyabi mehkeme ver. Işiko ke pê terorîzmî ameyêne sûcdarkerdêne vatbi: ''Dewleta şima Tirkîya rê hetkarîye kena la kurdan terorîze kena. Qedexeyê PKKyî dewam keno. Bi nê hawayî Almanya Tirkîya rê vana 'Çi wazena bikerî.' Eke ez ciwan bibîyêne verê şima de nê koyanê Kurdîstanî de bîyêne.''

Federasyonê Komeleyanê Kurdîstanijan ê Almanya (FCK BW-Bayern) seba wefatê Işikî mesajê serweşîye weşana û vat: ''Ma do xebat û kedanê mamosta Haydarî xo vîr a mekerê. Ma do xeyalê mamosta Haydarî Kurdîstanê azadî ronê û bikerê ke ruhê ey û merdimanê sey ey şad bibê.''