Badê raporê Komîsyonê Cigêrayîşê Xoserî yê Neteweyanê Yewbîyayeyan yê Sûrîye eşkerayîyêke zî Komîsera Berze ya Heqanê Merdiman a Neteweyanê Yewbîyayeyan (NY) Michelle Bachelet ra ameye. Bachelete eşkerayîya xo ya ke Ofîsê xo yê NYyî yê Cenevre de da balê antê sûcanê şerî yê  dewleta tirke ser.

Bachelete vat: ''Sûrîye de cayê ke kontrolê hêzanê tirkî û grûbê çekdarê ke pabesteyê ci de şîdet û sûc hukm keno. Pêro Sûrîye de heqê merdiman ê sîvlîan yenê binpaykerdene. Baroyê Heqanê Merdiman ê NYyî bi dîmenan ramojna ke Êfrîn, Ras al Aîn (Serêkaneyê),û Tel Abyad de binpaykerdişê ke qewimîyenê benê sebebê qesawetî. Aşmanê peyînan de mergî zêdîyayî. Reyna remanyîşê merdiman, naqlê bêhuqûqî, destsernayîşê erazî û mulkê taybetî û tehlîyeyê bizorî ameyî belgekerdene.

Grûbê çekdarê ke bapesteyê dewleta tirke yê pîya bi binpaykerdişê heqanê bînan ame belgekerdene ke qic û cinîyî zî tede sîvîlan remnene, binate ra vînî kenê. Êyê ke ameyî tepiştene û remanyene ra aqibetê tayînan nêno zanayene. Nê qewimîyayîşê sûcê şerî yê û berpirsîyara ci Tirkîya ya. Êyê ke nê herêman de ciwîyenê wayîrê pawitiş û heqê muracatî yê. Na çarçawe de ganî cade cipersayîşêko zelal û bêhet bêro destpêkerdene ke aqibêtê vînîkerdeyan bêro eşkerakedene û berpirsîyarî vejîyê werte. Raporan de yeno vatene ke êyê ke ameyî remnayene neqlê Tirkîya bîyî. Çîyê winayên merdimî/e eciz kenê û çarçewa sûcê şerî de yê.''