Koma Xebate ya vera Vînkerdişê Bi Zorî ya Neteweyanê Yewbîyayeyan (NY) 14-18ê adara 2016î de Tirkîya zîyaret kerde û tay pêşnîyazî kerdî. Kome derheqê babete de raporêk amade kerd. Rapor do pêşkêşê Konseya Heqanê Merdiman a 45. bêro kerdene.

Rapor de bale yena antene binpaykerdişanê heqan ser.

Rapor de yeno vatene ke Kome zîyaretê xo de Tirkîya rê pêşnîyaz kerd ke krîterê demokrasî bikera, mabênê kultur û ziwanan de cîyakerî nêkera û serdestîya huqûqî bişinasna. Kome o çax bi taybetî waşt ke Vakurê Kurdîstan de Tirkîya peynîya şerî bîyara.

Rapor de ame vatene ke Tirkîya pêşnîyazê Koma nêardî ca û binpaykerdişê heqanê merdiman dewam kerdî. Rapor de îşxalê Rojawanî ame vîrvistene û ame vatene ke vînkerdişê merdimanê Sûrîye de rolê hêzan ê çekdaran ê Tirkîya esto.

Kome raporê xo de ard ziwan ke seba ke dewleta tirke hema zî vînkerdişê wextê qedexeyê tebervejîyayîşî eşkera nêkerdî ê zaf qerqilîyenê. Kome pare kerd ke Tirkîya de hema zî binpaykerdişê heqan, vînkerdişî rojdem de yê û vînkerdişê bi zorî sey sûcê munferîdî yeno dîyene. Kome eşkera kerd ke coka Tirkîya aver gamêke zî nêeşte.

Goreyê raporî waştişê kome yê seba cigêrayîşê JÎTEMî û ê bînan zî nêame caardene.