Qezaya Rezanî ya Amedî de hemwelatîyanê ke Goristanê Yenîkoyî zîyaret kerd beşê bêkesan de tupê gonî ke binê erdî de ameyî cakerdene dîyî. Nayî ser o Komeleya Huqûqnasan a Seba Azadîye (OHD) goristan de cipêrsayîş kerd.

Endama OHDyî Gulane Çagin doneyê verênî ke fînayî dest eşkera kerdî. Kalelî vat: ''Nizdê se tupan ameyî vînayene ke înan ra tayî hema binê erdî de yê, tay ameyî vetene, tayî şikîyayî,  tayînan de hema gonî esta. Serê tupan de kesê ke nameyê înan ameyî bewlîkerdene estê. Bitaybetî serê nê nimûneyan de numreyê Dezgehê Tipê Edlîyî (ATK) yê serranê 2015 û 2017î estê. Ma nêzanê ke nê tupî çiwext û qey tîya ameyî cakerdene. Seba ke cipêrdayîş bêro destpêkerdene  ma mekanîzmayê eleqedarî hayîdar kerdî. Ma semedê cipêrsayîşê cayê qewimîyayîş ekîban pawenê. Badê nê cipêersayîşî ma zî do raporê xo eşkera bikerê û muameleyanê huqûqîyan bidê destpêkerdene.''