Vervatoxê HDPyî Saruhan Oluçî biryarê tesdîqkerdişê cezayê hemserekê HDPyî yo verên Demîrtaşî û wekîlê HDPyî yo verên Onderî ser o ANFyî re qisey kerd. Oluçî nîşan da ke ´bi hîleyan biryarê MHMEyî vera vindertî, edaleto bindest do bi lanet name bibo.´
Oluç: Sebebê lezîya tediqkerdişê cezayî, biryarê MHME yo. Armanc o bi ke biryarê MHME betal bibo. Xora mehkemeyanê verênan de rewşê dadger û dozgeran ra nîşan beno ke do bêedaletî û bêrehmî bêro ca. Mehkemeya Îstînafî verê 600 dosyayan ra bi lezî biryarê na dosya ard.
NAMEYÊ DEMÎRTAŞÎ Û ONDERÎ SER A AŞİTÎ SUCDAR KENÎ
Oluçî dima ard ziwan ke demo ke biryarê MHME dîya a roje Dadgerê Komare yê Enqereyî Tayyîp Erdoganî dir qesrê Erdoganî de ame pêser. Qiseyî Erdoganî yê sey ‘ma gamêk erzenî, gure zî qedênenî’ mojneno ma ke a game nê biryarî ser erzîyaye.
Oluçî bale ante qiseyê Onderî, o ke verê berî zindanî de serê rewşê înan a peyenî ser qisey kerdibi û vatbi, ‘’Hevalanê ma ra tû kesî ne mil kerd çewt ne zî çok da ro. Înan her tim dewamkerdişê şoreşî ser o qisey kerd û ma rê zî no keweno ke ganî ma keda înan zêde bikerê.’’ Û vat ke nê qewimîyayîşî do sey lekeyêko sîya tarîxî de cayê xo bîgerî û tewr peynî de hesabê nînan bêro persayene.
