Operasyonê qirkerdişê sîyasîyî de xeylî kesî ameyî binçimkerdene
Çarçiwaya operasyonanê qirkerdişê sîyasîyan de hemsereka Pêroyî ya SESî Gonul Erdene û parlamentera verêne ya HDPyî Mulkîye Bîrtaneye zî tede xeylî kesî ameyî binçimkerdene.
Çarçiwaya operasyonanê qirkerdişê sîyasîyan de xeylî sîyasetmedar, sendîkakar û avûkatî ameyî binçimkerdene.
Saetanê sibayî de xeylî bajaran de polîsan eşt serê keyeyanê sîyasetmedar û sendîkakaran. Amed, Îzmîr, Stenbol û Bûrsa de sereştişê polîsan de xeylî kesî ameyî binçimkerdene.
Enqere da kesê ke ameyî binçimkerdene nameyê înan wina yê: Hemsereka Pêroyî ya SESî Gonul Erdene, endamê SESî yo teqawud Ramazan Taş, sekreterê pêroyî yê TUM BEL-SENî Yilmaz Yildirimci, îdarekarê TUM BEL-SENî Adem Kaya û Yusuf Guler, îdarekarê HDPyî yê verênî Bahadir Demîrcan, Mahabat Akin, Davut Çalişir, Haydar Ustundag, Zekî Işil, Lezgîn Kutup, Aydin Keleş û avûkat Emrah Oner.
Amed de zî parlamentera verêne ya HDPyî û endama Dîwanê Kongreya Komelî yê Demokratîkî Mulkîye Bîrtane sereştişê polîsan de ameye binçimkerdene.
Îzmîr de zî îdarekaranê HDPyî ra Mahfus Guleryuz û Gulay Gun Bîlîcî ya pîya nizdê 20 kesî ameyî binçimkerdene.
Stenbol de zî avûkata stajîyere Nîmet Acare ameye binçimkerdene.
Bûrsa de zî sereştişê polîsan de Atakan Bozkurt, Merve Yildirime û kesêk ke nameyê ci nêno zanayene ameyî binçimkerdene.
