Vera Sendîkaya Kedkeran a Xizmetê Weşîye û Sosyalî (SES) operasyon ame kerdene. Hemsereka Pêroyî ya SESî Selma Atabey zî de xeylêk kesî ameyî destbendkerdene.

Hemsereka Pêroyî ya verêne ya SESî Gonule Erden Dêrsim de, Endamo verên ê Heyetê Rayberdişî yê Merkezî yê SESî  Fîkret Çaglayan Îstanbul de û Rona Temelli zî Wan de ameyî destbendkerdene.

Êyê ke Anqara de ameyî destbendkerdene nameyê înan wina yê: Endama verêne ya Heyetê Rayberdişî yê Merkezî yê SESî  Belkize Yurtsever, Hemsereka Pêroyî ya verêne ya SESî Bedrîye Yorgun, endamê verênî Ramazan Taş û Erdal Turan.

Sebebê operasyonî nêno zanayene, kesê ke şaristananê cîya cîyayan de ameyî destbendkerdene yeno pawitene ke bêrê ardene Anqara.