Serrgêra 3. ya Qirkerdişê Pirsusî de çalakîya yadkerdişî ya Kadikoyî de polîsan hêrişê girse û rojnamegeran kerdbi  û xeylêk kesî destbend kerdbî. Polîsan çalakîye de hêrişê rojnameger Emre Ormanî zî kerdbi. Ormanî hêrişî ra dima muracatê Weqfa Heqanê Merdiman kerd, raporê derbe girewt û gerreyê polîsan kerd.

Ormanî mesele ser o ANFyî rê qisey kerd û pare kerd ke no hêriş şexsê ey de vera rojnamegerîye ame kerdene. Ormanî vat: ''Nê hêrişî vera embazanê mi yê rojnamegeran zî yenê kerdene la ez do bêveng nêmana. Ez 6 serrî yo nê karî kena la mi çîyo winasên emrê xo de nêdî. No hêriş her kesî rê mesajê 'mevejê kuçeyan' bi. Polîsî linga xo na milê mi ser. Polîsan kuçeyêkê tengî de hêrişê mi kerd.  Dîmenê hêrişê polîsan destê ma de yê. Ez do heta Mehkemeya Heqanê Merdiman a Ewropa şora û na dewa ra fek vera nêda.Çunke no hêriş vera karê mi ame kerdene.''