Otobusa Amedî raştê hêrişî ameye
Otobusa raywanan a ke Antalya ra şîyêne Amed raştê hêrişî ameye, di kesî birîndar bîyî.
Otobusa raywanan a ke Antalya ra şîyêne Amed raştê hêrişî ameye, di kesî birîndar bîyî.
Otobusa fîrmayê Ozlem Dîyarbakirî ya ke Antalya ra şîyêne Amed raştê hêrişî ameye, di kesî birîndar bîyî.
Hêriş qezaya Gazîpaşayî yê Antalya de ame kerdene. Goreyê zanayîşanê ke ameyî girewtene bîn şewe gama ke otobuse qeza ra vejîyayêne kesê ke nasnameyê înan nînê zanayene pê kerrayan hêrişê ci kerd. Netîce hêrişî de di camê otobuse şikîyayî û di cinîyî birîndar bîyî. Dima ke xebere dîyaye ekîbê weşîye û cendirmeyî ameyî cayê serebûtî. Dîya zanayene ke rewşa birîndaran giran nîya. Derheqê serebûtî de cipersayîş dîya destpêkerdene.