Endamê Komîsyonê Têkilîyanê Teberî yê Partîya Demokratîke ya Şaran (HDP) Hîşyar Ozsoyî ANFyî  rê qisey kerd.

Ozsoyî vist vîrî ke meseleya Qibrîsî ke badê serranê 1960î girane bîye dimayê 1974î  bêçare ameye verdayene vat: ''Demo nizdî de bado ke başûrê Qibrisî de hîdrokarbon ame dîyene tengayî reyna zafe bîye. Nê çimeyanê neweyan ê enerjîyî newe ra problemê verênî zî vetê werte. Tirkîya bitaybetî enerjîya başûrê Qibrîsî ra wazena ke pare bîgiro la sekana nêkena na masa de nîna roniştene. Ûca Misir, Îsraîl, Yunanistan û Qibris estê û problemê nê hemeyan bi Tirkîya estê. Coka ê hempar têgeren. Tirkîya zî rewşe mîlîtarîze kena ke bizor na masa de ronişo.''

Ozsoyî bale ante Tîtikê Rayberan ê Yewîya Ewropa yê ke do 24-25ê êlule de bêrê têhet ser û vat: ''Seba ke Almanya û Amerîka mabênê Tirkîya û Yunanistanî de zemînê muzakereyî amade kerd. Tîtikê Yewîya Ewropa  ra vera Tirkîya çîyêk nêvejîyan. Erdogan hetêkî ra qîreno, vajîyeno la hetê bînî ra heyetî pêvînayîşan kenê. Îbarahîm Kalin zî bi pêvînayîşanê xo yê Yunanistanî wazeno ke rayîrêk vîno.

Wexto vera Tirkîya hetê Yewîya Ewropa qeraro muhîm yeno girewtene, wina têgêrena ke çew vano qey muzakere esto. Taktîkê Tirkîya yê winayên tim estê. Nê meseleyê tim erdî de manenê. Meseleya rojhilatê Dengizê Sipî meseleyêka rehet yana çareserkerdene nîya. Bingeyê ci de meseleya Qibrisî ke 45 serrî yo çareser  nêbîya esta.''

Ozsoyî vat: ''Tirkîya sey teberî zere de zî polîtîya şerî rayra bena. Bi mantikê fetîhî têgêrena. Wazena ke waştişanê sîyasî û kulturkî  û heme destkewteyanê kurdan çîn bikerê. Rejîmo ke fetîhkar rona. Şaredarîyê kurdanê ke ameyî destsernayene de  beyraqe xo akerdî, senî ke newe ra feth bikerê. Cografyaya kurdan depanzer û tankan ra nêverîyeno ra. Sey waro leşkerkerde yê îşxalî yo. Rojanê verê ma seba ke Erdogan seba ke hewceyê dişmenî teberî yo do hîna bigîro. La eslê xo de êyê ke zaf gîrenê tewr zaf ê pêkerdişan rê nîzdî yê Ma reyna tîyatroyêk temaşe kenê.''