Ozsoy: Wazenê ke tecrîd fermî bikerî, no zaf tehlukeyin o

Parlameterê HDPyî yê Amedî Hîşyar Ozsoyî vera tecrîdo ke Rayberê Şarê Kurdî Abdullah Ocalanî ser o yeno xorin kerdene, hêrsê xo arde ziwan û va:‘‘ Wazenê ke tecrîdî heto fermî ra mende bikerî. No çîyeko zaf tehlukeyin o.

Tecrîdo girankerde ke Rayberê Şarê Kurdî Abdullah Ocalanî ser o yeno domnayene, çend şino yeno xorin kerdene. Muracatê avukatanê Ocalanî ke serra 2008 de Mehkemaya Heqê Merdiman (MHME) rê bibi, hewteyêk cuwa ver ame red kerdene. Muracatê dîyayîşê Ocalanî yê avukat û merdimanê ci tim eynî sebabanê bêmehneyan ra yene red kerdene. La no hewte ame vatene ke cazaya disîplînî dîyaya Ocalanî. Qerarê MHME û cezayê disîplînî pîya wextê serrgêra koplo de bîyê û no zî dîqet anceno xo ser. Yeno dîyayene ke Ewropa û dewleta tirkî babetê Ocalanî de pîya têgêrenî.

Berpirsiyarê têkilîya Teberî û Parlameterê HDPyî yê Amedî Hîşyar Ozsoyî dîyar kerd MHME qerar esasî ra nê meselaya teknîkî ra red kerd û no zî mantikê hetkarîya înan teşîr kerd.

QERARÊ PEYÊNE YÊ MHME SKANDAL Î

Ozsoyî qerarê MHME yê Roboskî zî vistê vîrê û va: ‘‘ Bi sebebo ke kaxitêk erey şî, murcatê qewîmîyayîşêko 34 kesî qetil bîyê, heto teknîkî ra red kerd. Xora rewşê birez Ocalanî cîya yo. Sîstema Îmrali bi xo sîstemê komploya mîyanneteweyî yo. Dewro peyêne de qerarê ke MHME seba Tirkîya girewtî skandal î. Nê qeraran ma zî tim kirişenî Konseya Ewropa.‘‘

Ozsoy qieykerdişê xo rê wina dewam kerd: ‘‘Nêzdî ra roniştişê Meclîsê Parlamenteranê Konseya Ewropa dest pêkenî. Ma zî sey HDPyî 9ê teşrîna verêne de meclîsde derheqê rewşê Ocalanî de aktîvîteyêk virazene. Hemsereka ma Pervîn Buldane, merdimî hepsîyanê Îmrali û huqûqkarî do tewr bibî. Komploya ke yena domnayene ma kireşenî parlamento. Qewîmîyayîşê peyêne ramojnene ke ê wazenê ke hetê huqûqî ra tecrîd sey çîyêko fermî mende bikerî. No çîyeko zaf tehlukeyin o.‘‘

VÎZYONO SÎYASÎ YÊ BREZ OCALANÎ RA  TERSENÎ

Ozsoy eleqa ant muhîmîya rolê Ocalanî ser û va wina domna: ‘‘Wextê tewr tengan yê welatî de brez Ocalan gamê pozîtîfî eştî. Dewrê çareserî de zî zindan ra seba aştîya zaf gelç veto. Nika ewca de tena kesêk bine tecrîdî de nîyo. Seba holeya şaran çi îmkanê ke estî, heme binê tecrîdî de yê. Komel de seba çarekerdişê meselaya kurdî pawitiş û ûmid esto. Bisebebo ke mîsyonê Ocalanî seba şaran girde yo, vîzyona sîyasî yê ey ra tersenî. No semed ra tecrîd xorin kenî. Nînan de kayî nêqedîyenî la ey tena xo xapînenî, no tecrîd heto sîyasî ra zaf derg nêkeno‘‘