25 serrî yo tecrîdê serê Rayberê Şarê Kurdî Abdullah Ocalanî bi giranbîyayîşî dewam keno. Hetê bînî ra şarê kurdî û dostê înan bi kampanyayanê cîya cîyayan semedê azadîya Abdullah Ocalanî her hetê dinya de têkoşînî xurtêr kenê.

Şaredaro verên ê Cenevre û Parlamenterê Parlamentoyê Kantonî yê Cenevre Remy Paganî  tecrîdê serê Abdullah Ocalanî û şerê dewleta tirke yê vera Kurdîstanî de ANFyî erjnayî.

Remy Paganî nê vatî: ''Tecrîdê vera Abdullah Ocalanî îşkence yo. Tirkîya pêkerdişê mîyanneteweyî îmza kerdî. Goreyê nê pêkerdişan a nêeşkena heqanê tepişteyan binpay bikero. Meseleya kurdan bi rayîrê dîplomasî û sîyasîyî eşkena bêro çareserkerdene. Na mesele bi şer û tecrîdî nînan çareserkedene. Erdoganî wextêk cehd kerd ke bi rayîrê sîyasîyî çerser bikero la çi heyf ke dewam nêkerd. Erdogan eşkeno platformê Cenevre semedê çareserîya meseleya kurdan bişuxulno.

Heme pêkewtişî bi muzakerayn û pêkerdişan qedîyene. Ganî meseleya kurdan zî wina bêro çareserkerdene û Birêz Ocalan bibo leteyêkê nê muzakereyan. Semedê çareserî rolê Ocalanî eşkera yo. Ganî Ocalan bibo azad ke bieşko muzakeran rayra bero. Ez zî semedê azadîye Ocalanî û çareserîya meseleya kurdan vendayîşê seferberîye kena.''

Remy Paganî şerê vera kurdan sey şerê vera Gazze name kerd û vat, ''Erdogan paştî dano têkoşînê şarê Fîlîstînî. Erdogan vano Îsraîl pêkerdişanê mîyanneteweyî binpay keno la bi xo nê pêkerdişan semedê Birêz Ocalan û şarê kurdî nêano caardene.''