Hemsereka KCD'yî  Leyla Guvene vera  wedaritişê tecrîdkerdişê Rayberê Şarê Kurdî Abdullah Ocalanî 104 rojî yo grevê vêşanîye de ya. Serdena Heyetê Haştî yê Mîyanneteweyî ra dima ewro zî parlamentera  Îrlandanije ya Parlamentoyê Ewropa  Martîna Anderson a ke 13 serrî hepisxane de menda, şîye serdena Guvene.

Hemvervatoxa Têkilîyanê Teberî yê HDP‘yî Feleknas Uca zî Andersone reyde şîye. Andersone hetê hemserekê KCD’yî Berdan Ozturk, kêna Guvene Sabîha Temîzkane û aktîvîstê TJA'yî ra vera ci ame şîyayene. Dimayê pêvînayîşê saetêkî ra Andersone Guvene reyde resimêk ant û bajarî ra vejîyaye.