Partîya Çep a Hewze Îstanbul de standê xo yo verên ê vîjnayîşî Meydanê Îskele yê Kadikoyî bi govende akerd. Stando ke bi tewrbîyayîşê Parlamenterê HDPyî yê Îstanbulî Musa Pîrogluyî ame ronayene, şarî zaf eleq mojna ci. Polîsan rîyê govende ra kerd ke asteng bikerê la şarî bi tîlîlîyan govende polîsî protesto kerdî.

Hemserekê Partîya Çep a Hewze yê Kadikoyî Koray Turkay semedê wezîfedarîya sandiqan veng da. Musa Pîrogluyî zî vat: ''Tim partîyanê ma qefilnenê û hêrişê ma kenê la ê se kenê wa bikerê pêyê nê têkoşînî de şar est o, coka ê do çirey ser mekemê. Nê îqtîdarî cuya ma açarnaye cehenemî, ma do vîjnayîş de înan bişawê cehenemî.''

Hetê bînî ra Partîya Çep a Hewze û HDP do 30ê adare de Beyannemeyê Vîjnayîşî eşkera bikerê.  2ê nîsane de zî do Beyannemeyê Vîjnayîşî yê cinîyan bêro akerdene.