Bi beşdarîya Hemvervatoxa Partîya Çep a Keske Çîgdeme Kiliçgun Uçar, Hemsereka SYKPyî Canane Yuce, Wekîla HDPyî ya Riha Ayşe Surucu qezaya Dortyolî ya Hatayî de Partîya Çep a Keske şarî reyde ameye têhet. Pêvînayîşê şarî dima vurîya mîtîngî. Girseyî mîtîng de vera sloganê ''Jin, Jiyan, Azadî'' berz kerd. 

Namzedanê Partîya Çep a Keske yê Hatayî şar selam kerd. Nînan ra Kerem Nalbatî qisey kerd û vat: ''Ê vanê qey bi dekerdişê zîndanan ma qedîyenê. La ma çend îqtîdarî kerdî kahan. Nê îqtîdarî zî ma bişawê çopê tarîxî û qetî ser bikewê.''

Canane Yuce qiseykerdişê xo de îfade kerd ke îqtîdar bi polîtîkayanê xo yê şerî welat mehf kerdo û dişmenîya pêro rengan keno.

Wekîla HDPyî Ayşe Surucu bale ante tecrîdê vera Rayberê Şarê Kurdî Abdullah Ocalanî ser û vat: ''2 serrî yo Birêz Ocalanî ra xeberêke nêna girewtene. Polîtîkayanê tecrîdî ra fek vera bidê, beranê Îmraliyî akerê.''

Hemvervatoxa Partîya Çep a Keske Uçare zî peynîya mîtîngî de qisey kerd û peygoşîya îqtîdarî ya serê erdlerzî viste vîrî. Uçare pare kerd ke ê do qetî îqtîdarî bişawê. Uçare vat: ''Erdogan wazeno ke pê şerî îqtîdar de bimano. La ma soz dayo şarê xo, bindestan, kedkaran, cinîyan û surgunkerdeyan ke seba awankerdişê cuya newîye xo ver bidê. Ma do peynîya sîyasetê tecrîdî bîyarê û pîya haştîya rûmetêne awan bikerê.''

Mîtîng bi çepikan qedîya.