Îdarekarê Weşanê Pêroyî yê Tele1î Merdan Yanardago ke seba ke tecrîdê serê Rayberê Şarê Kurdî Abdullah Ocalanî rexne kerdbi, vizêr ame tepiştene. 

Partîya Çep a Keske û HDPyî derheqê bêhuqûqîya vera rojnameger Merdan Yanardagî û tecrîdê Îmraliyî de eşkerayîyêke daye. 

Eşkerayîya Partîya Çep a Keske de dîya zanayene ke qiseyê Yanardagî sûc nêbîyê û tepiştişê ci mojneno ke mehkemeyî kewtê destê AKP-MHPyî. Eşkerayîye de wina ame vatene: ''Ma sey Partîya Çep a Keske wazenê ke Merdan Yanardag wa vera bidîyo,tecrîdê Îmraliyî wa bêro wedaritene. Ma venha pêro sendîkayanê demokrasîwaz û haştîwazan, rêxistinanê demokratîkan, partîyanê sîyasîyan, akademîsten û roşnvîran danê ke vera AKPyî têkoşîn bikerê.''

Eşkerayîya Hemserekanê HDPyî de wina ame vatene: ''Seba ke îqtîdar demokrasî û haştîye ra terseno hende lez Yanardag tepişto. Êyê ke zanenê eke vengê Îmraliyî vejîyo şer kêmîyeno, verê çareserîya meseleya kurdan abeno b nîjadperestî raştîyan nimnenê û saltanatê xo yê zulmî rê dewam kenê. Ma venga pêro merdimanê wayîrwijdanan, sîyasetmedar, rojnameger, roşnvîr û hemwelatîyanê demokratan danê ke vera bêhuqûqîya serê Yanardagî û tecrîdî têbigêrê.''