Partîya Çep a Keske bi beşdarîya namzedanê xo yê wekîlîye, Hemvervatoxa partîye Çîgdeme Kiliçgun Uçar, Hemserekê DBPyî Keskîn Bayindir, Serekê EMEPî Ercument Aydenîz, temsîlkarê SMFyî Mustafa Aytaçî Meydanê Îstasyonî yê Xarpêtî de mîtîngê xo kerd. 

Cinîyî pê kincanê xo yê neteweyîyan, tîlîlî û çepikan tewrê mîtîngî bîyî. Mîtîng de vera sloganê sey 'Ma do bi xoverdayîşî ser bikewê' ame vatene. 

Mîtîng de hêverî Namzeda Partîya Çep a Keske ya Çewlîgî Cemîle Turhalli Balsak qisey kerd û vat: ''Bendê ke înan ma ver de ronayê, pê rayîrê Murad, Firat û Munzurî ma pabestenê. Ma cinîyan reyde netîce vurnenê. An azadî, an azadî.''

Ercument Aydenîzî da zanayene ke îqtîdarî tersê binkewtişî ra operasyonê qirkerdişê sîyasîyî zêdînayê û vat: ''Her ke ê hêrişî kenê benê qels la ma benê bihêzêr. Ma do nînan pêroyînan bişawê.''

Keskîn Bayindirî vat: ''Ma do bi destek, coş û xoverdayîşê şima ser bikewê. Înan 21 serran de Xarpêt kerdo kelaya zulmî. Ma yenê ke bivurnê. Ma do qesranê îqtîdarî birijnê. 14ê gulane de ma îqtîdarî birijnê.''

Hemvervatoxa Partîya Çep a Keske Çîgdeme Kiliçgun Uçar mîtîngê Xarpêtî de venga bi hezaran kesan da û vat: ''Mefte şima yê. Ma nê mefteyî seba ke berê rejîmê tekcamêrdî biqefilnê, berê welatêkê demokratîkî abikerê bişuxilnê. Îtîfaqê Kede û Azadîye û Îtîfaqê Demokrasî û Azadîye yê Kurdan qetî do bin bikewê.''

Mîtîng bi deyîranê hunermend Kasim Taşdoganî qedîya.