Tesbîtê serê bêusûlîyan sindoqanê weçînayîşan de dewam kenê Rêxistina Partîya Çep a Keske ya Îstanbulî tesbît kerd ke lîsteyê bi îmzayanê hîtan û doneyê Heyetê Weçînayîşî yê Berzî (YSK) nêgênê pê.

Rêxistina Partîya Çep a Keske ya Îstanbulî vera netîceyanê 236 sindoqanê raydayîşî yê 27 qezayan îtîraz kerd. Ame îsbatkerdene ke tewr tay 3 hezar û 570 rayê Partîya Çep a Keske nêameyê qeydkerdene.

Partîya Çep a Keske da zanayene ke rayê înan AKP û MHPyî rê ameyê qeydkerdene.