50 tepişteyanê zîndananê Tirkîya  bi hawayêkê cîyayî 'azadîye' îfade kerde û vurna îmgeyêke. Nê 50 îmgeyî erşawîyayî 50 fotografkêşanê ke cografyayanê cîya-cîyayan ra yê. Fotografkêşan îmgeyê tepişteyan bi şîroveya xo vurnayî fotografan. 50 îmgeyî pêramotişê bi nameyê 'Vengê Azadîye' de yenê mojnayene. Pêramotiş nika Îstanbul de yo. 

Pêramotiş hetê Kolektîfê 'Dîyayo' û Koma Redfotografî ra ame amadekerdene. 

Kesê ke wazenê eşkenê heta 20ê êlule Karşı Sanat Çalişmalari yê Taksîmî de pêramotiş zîyaret bikerê.

Kolektîfê 'Dîyayo' û Koma Redfotografî verê cû zî derheqê tepişteyan de tay pêramotişî akerdbî.