Îtîfaqê Dêrsimî û DEM Partî seba weçînayîşê bajarekê Perî yê 2yê hezîrane taxa Paxnigî de şarî reyde ame têhet.

 Namzedê Şaredarîya Perî Nacîye Aslan û Orhan Çelebî, Wekîla DEM Partî ya Dêrsimî Aytene Kordu, Hemşaredara Depe Songule Duzgun tewrê xebatan bîyî. 

Aytene Kordu pêvînayîş de vist vîrî ke dewlete Dêrsim de polîtîkayanê asîmîlasyonî ana ca û vat: ''Ma wayîrê paradîgmaya demokratîke û azadîgira cinîyan ê. Ma do bi na felsefe şaredarîyanê xo de xebatan bikerê. Perî ma ra amebî xespkerdene. La narey ma bi îdîa yê. oyo ke ma ra gêrîyayo ma do apey bigêrê.''