PFC ra Fransa û YE rê: Hîna ke kes nêmerdo tê bigêrê

Partîya Komunîste ya Fransa, derheqê grevanê vêşanîye de beyanat da û waşt ke wa hukmatê Fransa û YE, bi hewayêkê lezkanîyî bikewo dewre û hîna ke kes nêmerdo tecrîd bêro wedaritene.

Partîya Komunîste ya Fransa, 14 çalakwanê ke Strasbourg de, 50 rojî yo grevê vêşanîye de yê ardî vîrî û va; “Nê çalakîyî seba ke tecrîdê serê Rayberê Şarê Kurdî Abdullah Ocalanî bêro wetaritene yenê kerdene. Bi tecrîd huqûqê mîyanneteweyî eşkera yeno îxlalkerdene û ganî AB û Fransa seba ke tecrîd bêro wedaritene bikewê dewre.” Xeylî senator, parlamenter û îdarekaranê herêmîyan ê partîye paştdarîye daye grevanê vêşanîye.

Beyanat de ame eşkerakerdene ke Yuksel Koç, seba ke hetê weşîye ra kewto xetere, ame berdene bi nêweşxane. Reyna bale ancîyaye rewşa weşîya Leyla Guvene û 300 çalakwananê bînan ser.

Peynîya beyanatî de wina ame vatene: “Kurdî seba haştîya Rojakewtena Mîyanêne hêzêko muhîm ê. PCF her şert û merc de, hetê şarê Kurdî de ya û mucadeleyê Kurdan heqdar vînena.“