Wekîlê HDPyî yê Îstanbulî Musa Pîrogluyî derheqê turê diyînî yê weçînayîşê serekkomarîye yê 28ê gulane de ANFyî rê ercnayîşêk kerd.

Pîrogluyî pare kerd ke Erdogan rixmê hîle û dek û dolaban turê yewinî de ser nêkewt û vat: ''Ma turê yewinî de nêverda ke Erdogan ser bikewo. Aseno ke turê yewinî de ma o bin visto, rixmê pêro hîle, dek û dolaban û kayan zî Erdogan bin kewt. Ma verê cû zanayêne ke Erdoganî bi eşkerayîyêke vatêne turê diyînî de do binkewtişê xo qebul bikero. Bika seba turê diyînî amadekarîye keno la o bêhêvî bîyo, moralê ci nêmendo. Ma do nê turê diyînî de ser bikewê. nê îqtîdarî û îqtîdaranê ser ney de bi desan reyî têrî ameyî. Peynîya peynî de Erdogan do bin bikewo, ma zî do ser bikewê.''