Şaristanê Dusseldorfî yê Almanya de Kurdistanijan serragêrayîşê PKKyî bi hawayêkê biîhtîşamî pîroz kerd. 1500 kes tewrê  aktîvîte bî.

Pîrozkerdişî de sîyasetkaro kurd Kemal Aktaşî derheqê tecrîdê serê Rayberê Şarê Kurdî Abdullah Ocalanî de qisey kerd û vat “ganî ma ciwan-kal, cinî-camêrd heme seba azadîya fîzîkkîye ya Ocalanî mucadele bikerê.”

Dimayo ke hunermendan ra Sena Dêrsimî û Hozan Xelîl Xemgîn û Hozan Şemdînî sehne da ca girewt, ramojîyayîşêkê derheqê serragêrayîşê 40. yê PKKyî ame temaşkerdene. Pîrozkerdiş saeta 18.30 de bi slogananê “Biji Serok Apo!”, “Şehîd namirin”, “Jin, Jiyan, Azadî!” qedîya. 

MUNÎH

Şaristanê Munîhî yê Almanya de zî bi şewêk serragêrayîşê 40. yê PKKyî ame pîrozkerdene. Nizdê 800 kesî tewrê pîrozkerdişo ke hetê Merkezê Cimatê Kurdan o Demokratîk yê Munîhî û Komunê Cinî yê SARA ra ame organîzekerdene bi.

Salone de posterê Ocalanî û kadroyê rayberan ê PKKyî ameyî daliqnayene. Şewe de hunermendan ra Rotînda, Hîvron, Çetîn Oraner, Zozan Zudem, Guerilla Sistem û Koma Avaşînî sehne de ca girewt. Şewe bi sînevîzyonêkê derheqê serragêrayîşê 40. yê PKKyî de qedîyaye.

RENNES

Vîrardişo ke salone Espace Bel-Air de ame viraştene, hetê Merkezê Komelo Demokratîk ê Rennesî, SARA û Meclîsê Cinîyan ê Sêvê ra ame organîzekerdene. Pîrozkerdişî de hemserekê KONGRA-GELî Remzî Kartalî qiseykerdişêk kerd. Kartalî vat: “Serra 41. yê PKKyî do bibo serra azadîya Rayberê Şarê Kurdî Abdullah Ocalanî.”

Şewe de Hozan Farqîn, Aydin û hunermendanê cayîyan sehne de ca girewt.    .

MONTPELLIER

Şaristanê Montpellierî yê Fransa de zî roşanê ganebîyayîşî ame pîrozkerdene.

Kîtle bi posteranê Ocalanî û beyraqanê PKKyî her gam sloganê “Bijî PKK”, “Bijî Serok Apo” û “Şehîd namirin” eştî. Şewe bi rêzgirewtişî destpêkerde û endama Meclîsê Cinîyan ê Montpellierî Seher Kavşute qiseykerdişêk kerd. Kavşute vat: “ PKK tradîsyonêk o ke rengê xo cinîyanê xoverdayoxan ra û şaranê bindestan ra gêno.”

Pîrozkerdişî de Xebat Ocalanî û bi nameyê Alternative Libertareyî Mult Yalumdia zî qisey kerd. Dima ra mesajê MLKPyî ame wendene û şewe bi kerdişê govende qedîyaye.