Hêrişê îşxalî yê dewleta tirke û çeteyanê ci yê SMOyî yê vera Rojawanî sînorê Kobanê de ameyî  protestokerdene. Qezaya Pirsûsî ya Riha de bi hezaran kesê ke ameyî têhet barîkatê leşkeran rijnayî û bi sloganan û çapaikan rayraşîyayîşê xo temam kerd.

Badê rayraşîyayîşî ekerayîye ameye dayene. Hemsereka Pêroyî ya DBPyî Çigdeme Kiliçgun Uçara ke tîya qisey kerd ard bale ante muhîmîya wayîrvejîyayîşê Rojawanî ser û nê vatî: ''Ganî waştişê şarê kurdî hinî bêrê caardene. Mesajê Birêz Ocalanî yeno qiseykerdene. Çunke her kes raştîya kurdan zano. Şaranê Tirkîya rê xelet qala Rojawanî kenê. Wa şarê kurdî yê xoverdayoxî goştarî bikerê. Rojawan de cinîyan manîfestoyê cuye nuşto. Dişmeno tewr pîl oyo ke rayîrê haştîye qefilneno. Ewro şar tîya wazeno ke sînoran wedaro. Pêro dinya deyndarê kurdan a. Sûrîye de vera şarî qirkerdişî yenê kerdene. Şarê kurdî wazeno wa Birêz Ocalan bibo muxatap. Nizdîbîyayîşê Tirkîya yê vera Rojawanî nizdîbîyayîşê vera kurdan o. Ma do tim paştî bidê Rojawanî.''