Nobeta vera hêrişanê serê Rojawanî sînorê Kobanê-Pirsûsî de roja 12ine de dewam kena. Şarî Pirsûsî ra ver bi sînorê Kobanê rayraşîyayîş kerd, mesajê Rayber Apoyî selam kerd û hêrişê îşxalî protesto kerdî.

Raywanan ra Maya Haştîye Sebîhe Seden (64) pare kerd ke ê bi haştîya hêvîye uca de yê û vat: ''Ma wazenê ke Rayber Apo û pêro tepişteyê sîyasîyî wa vera bidîyê. Hinî bes o.''

Fewzî Meleto ke Wanî ra tewrê nobete bîyo vat: ''Wexto ke DAÎŞî qirkerdişî kerdêne Erdoganî vatêne ke 'Kobanê do bin bikewa.' Ê wazenê destkewteyanê kurdan çin bikerê. Çar parçeyî seba ma yew ê. Seke Birêz Ocalanî mesajê xo de vato kurdî do nêqedê. Ganî no mesaj bêro caardene û haştîye bêra.''

Maya Haştîye Macîde Varhana (46) ke Wanî ra ameya vat: ''Wa hêrişê vera Kobanê biqedê. Birêz Ocalan seba ka haştîye û azadîye wazeno yeno tecrîdkerdnee. La her çekuya ey do haştîya awan bikera. Şima do nêeşkê kurdan çin bikerê.''

Mulkîye Savraz vat: ''Ma ganî wayîrê destkewteyanê xo vejîyê. Mesajê Abdullah Ocalanî coşê na roje de bitesîr ê. Ma do rayraşîyayîşî de nê mesajî bimojnê.''

Medîne Kiyak vat: ''Ma gonîye nêwazenê coka kewtî rayîrî.''

Nahîle Kaplan vat: ''Ma seba Rojawanî nobete de yê. Çunke barê şerî milê cinîyan de yê.''

Îslîm Demîrî vat: ''Seba ke hêrişê vera Rojawanî biqedê, meseleya kurdan çareser biba û tepişteyî azad bibê ma tîya de yê. Birêz Ocalan de pêvînayîş ame kerdene coka hêvîya ma seba haştîye zêdîyaye.''