Partîya Cuya Azade ya Kurdîstanî (PJAK) bi eşkerayîyêke cezaya îdamî ya vera Endama KJARî Werîşe Mûradî şermezar kerde.

PJAKî pare kerd ke ê cezaya îdamî ya zalîmane bi giranî şermezar kenê û na ceza vera  şaranê Îranî hêrişêk a. PJAKî vat: ''Rixmo ke warê mîyanneteweyîyî û dinya de protestoyî û kampanyaya 'îdamî rê ney' dewam kenê dewleta Îranî îdam de israr kena. No israr vera cinîyan û komelî dişmenîye yo û îsbatê rijîyayîşê Îranî yo. 

Cezaya vera Werîşe Mûradî vera komelê sivîlî şer o ke do netîceyê ci giran bibê. Ma nê polîtîkayan û kerdişan qebul nêkenê. Cezayê îdamî mojnenê ke rejîmê Îranî keno ke Şorişê 'Jin, Jiyan, Azadî' bigêro binê teda.

Ancî na bira îdamî eşkera kerd ke dewleta Îranî seba çareserîya meseleya kurdan asîmîlasyon û îdamî ra ber rayîrêkî nêvînena. Komel do vera nê tedayan sereyê xo nêaro war. 

Ma venga pêro cinî, ciwan, azadîgîr û demokratîkan danê ke vera cezaya îdamî tewirêkê zelalî bimojnê. Ma paştî danê pêro kampanyayanê vera îdamî. Her cezaya îdamî yena manaya redkerdişê waştişanê azadîye yê cinîyan û şaran. Ganî xoverdayîşo komelkî bi xurtî dewam bikero.''