''Ma serrgêra 22. ya Komployê 15ê Sibate de yê ke şexsê Rayberê Şarê Kurdî Abdullah Ocalanî de pêro kurdan rê ame kerdene.Ma hê dekewenê serra 23. ya xoverdayîşê vera Komplo. Ma verî xoverdayîşê Îmraliyî yê Rayber Apoyî rê selam kenê û şehîdanê 'Şima nêeşkenê tîja ma tarî bikerê' bi hûrmet û minetî yad kenê. Ma do serra 23. ya Komployî de pê Hemleya 'Wextê Azadîye' vera komployî bi hêzêrî têkoşîn bikerê û ser bikewê.

Seke zanîyeno hedefê komployî qirkerdişê kurdan bi. Komplo verî sibata 1925î de vera Şêx Seîd û embazanê ci dima zî Agirî, Dêrsim, Başûr û Rojhelat de ame kerdene. Tewr peyên zî komplo vera Rayber Apo û PKKyî ame kerdene. Coka ma hê serrgêra 96. ya Komployê 15ê Sibata 1925î de û serrgêra 22. ya Komployê 15ê Sibata 1999î de yê. Coka Rayber Apoyî 15ê Sibate sey 'Roja Qirkerdişî' îlan kerde. 

Komplo pê sîstemê îşkenceyî yê Îmraliyî dewam keno

Komployê Mîyanneteweyî 9ê teşrîna verêne ya 1998î de dest pêkerd û o çax ame waştêne ke Rayber Apo wa bêro îmhakerdene. Dima 15ê Sibata 1999î de narey pê komplo ame waştene ke Rayber Apo bêro îdamkerdene. Dima ke no plan zî bin kewt planê tecrîd û îşkenceyê Îmraliyî kewt dewre. Komplo 22 serrî yo binê  nameyê sîstemê tecrîd û îşkenceyî yê Îmraliyî dewam keno. 

Komployo Mîyanneteweyî vera fikranê demokratîkan ê Rayberîye, azadîye, demokrasî û çaresîya meseleya kurdan ame caardene. Komployî armanc kerdêne ke meseleya kurdan bêçare verdo, îrade û estbîyayîşê kurdan çin bikero û kurdan qir bikero.

Komplo de sey Amerîka, Yunanîstan, Rûsya, Kenya û Misir ca girewt. 22 serran ra nata zî sere de Amerîka û dewleta tirke heman hêzanê komplogeran sîstemê Îmraliyî îdare kenê. Coka tewr zaf Amerîka paştî dana qirkerdiş û hêrişanê vera kurdan.

Nê hêzê komplogerî ser nêkewtî. Coka ganî sere de Amerîka nê hêzê komplogerî nê sûcê qirkerdişî ra xo pakî bikerê. Destê xo gonîya kurdan ra biancê û hînî paştî medê hêrişanê kolonyalîst û qirkeran ê faşîzmê AKP-MHPyî.

22 serran ra nata hêrişê komployî vera cinî, ciwan, kedkar û şaranê dinya zî bi zulm û metodêkê qirkerdişî. Coka ganî cinî û ciwanî zêdêr vera Komployî vejîyê û zêdêr paştî bidê kampanyayanê azadîye yê kurdan.

Komployî şarê kurdî, şarê Tirkîya û Rojhelatê Mîyanênî kerdî hedef

Ganî şarê Tirkîya û Rojhelatê Mîyanênî zî heman tewir bigêrê. Çunke Komployî şarê kurdî reyde şarê Tirkîya û Rojhelatê Mîyanênî kerdî hedef. Ganî şarê Tirkîya û Rojhelatê Mîyanênî wa bivînê ke komplo vera înan o zî û tewrê xoverdayîşê kurdan bibê.

Kurdan destpêkî ra nata vera Komployî xoverdayîşêko pîl kerd. Rayber Apoyî pê deha û aqlê xo kerdişê Komployî verî da dîbî û vera ci tewirêk girewt. Coka o bi sereyê xo îmha û kerdişê Komployî kerdî pûç. Rayber Apoyî Îmrali de zî xo kerd birêxistin û bidîsîplîn û bi nê hawayî têkoşînê xo de ser kewt.

Nê xoverdayîşê Îmraliyî yê 22 serran de Rayber Apo bi Rayberê pêro şaranê dinya. Gaî ma pê naye sereberz bibê û na xete raşt fam bikerê, bîyarê ca. Têgêrayîş û şarê ma zî 22 serrî yo dormeyê Rayberîye de vra sîstemê Îmraliyî xo ver danê. Gerîla, cinî, ciwananê ma rayberîya nê xoverdayîş û têkoşînî kerd. Nê 22 serran de statuyê Başûrê Kurdîstanî ame pawitene, şroişê Rojawanî ame kerdene û partîya ma xeta modernîteya demokratîje de xo newe kerd.

Çarçewa Hemleya ma de çalakîyî berz benê

Çarçewa Hemleya ma ya 'Tecrîd, faşîzm, îşxalî rê bes o; Wext wextê azadîye yo' de parçeyanê Kurdîstaî û pêro dinya de çalakîyê seba azadîya Rayber Apoyî berz benê. Gerîlayê ma pêrodayîşanê vera dişmenî dewam kenê. Xoverdayoxê zîndanan sey her wextî hêzê tewr pîlî yê hemleya ma yê. Çalakîyê demokratîkî yê cinî û ciwanan vera zêdîyenê. Bi taybetî her cayê dinya ra rêxistin û dezgehî dormeyê armancê 'azadîya Rayber Apoyî de' ameyî pêser. Sey Mandelayê nê çaxî azadîya Rayber Apoyî qetî do bêra caardene.

Serra 23. ya Komployî de çalakîyê ma do bizêdîyê, komplo bi temamî bêro binkerdene, sîstemê Îmraliyî do bêro rijnayene, Rayber Apo do bibo azad û bi nê hawayî Kurdîstan do bibo azad.

Nê esasî ser o ma reyna Rayber Apoyî bi minet û rêzdarî selam kenê, şehîdanê xo bi hûrmet û minetî yad kenê. Ma venga cinî, ciwan, şar û dostanê xo danê ke her ca de çalakîyanê 15ê Sibate bi hêzêr û aktîfêrî bîyarê ca!''

Komîteya Rayberdişî ya PKKyî peynîya eşkerayîya xo de hêrişê vera Garê ercnayî:

''Artêşa TCyî ya faşîste-qirkere 10ê sibate de bi hawayêkê giranî vera warê Garê yê Herêmanê Pawitişî yê Medya hêrişî dayî destpêkerdene. Nê hêrişan ma şaş nêkerdî. Çunke wextêkî ra verî Wezîrê Pawitişî yê Tirkîya û serfermandarê artêşa tirke şîbî Hewlêr û înan îdarekaranê PDK û Iraqî reyde hêrişê îşxalî plan kerdî. Eşkera yo ke nê hêrişî wina ameyî plankerdene. Çunke Garê sînorê TCyî ra dûr a û bêdestûrê Iraq û PDKyî hêrişê winasênî mumkîn nîyê.

Aseno ke kpmlogêran serrgêra 22. ya Komployê 15ê Sibate pê hêrişanê îşxalî pêşwazî kerde. Înan bi nê hawayî armanc kerd ke darbe bidê PKK û gerîlayanê ma ro û îşxalê TCyî yê Başûrî zî hîra bikerê. La ganî nê netîceyanê operasyonê Zapî yê sibata 2008î û operasyonê Heftanînî xo vîr a nêkerê. Sey Zap û Heftanîn gerîlayê ma Garê de zî vera hêrişanê îşxalî yê qirkeran b hawayêkê çêrî xo ver danê û derbanê xurtan danê dişmenî ro. Seke şarê ma yê Başûrî verî zî vera operasyonanê Zap û Heftanînî xo ver da ewro zî ê do vera îşxalê Garê bi hawayêkê girseyî wurzê payan ser.Ganî bizanîyo ke Garê do biba gorê artêşa TCyî ya faşîst-qirkere û hemkaranê ci.

Nê esasî ser o ma venga çar parçeyanê Kurdîstanî, pêro kurdanê dinya û cinî, ciwanan, şarê ma yê welatperwerî, dostanê xo danê ke vera îşxalê Garê wurzê payan ser, meydanan pirr bikerê, vera îşxalê TCyî têkoşîn bikerê û paştî bidê xoverdayîşê gerîlayanê ma yê çêran! ''