Komîteya Merkezî ya PKKyî derheqê şehîdanê menga gulane de eşkerayîyêke daye.

Eşkerayîye wina ya:

''44 serrî verî 18ê gulana 1977î de Dîlok de ma embaz Şorişgêro Pîl Hakî Karer hêrişêkê plankerdeyî û qirker-faşîstî de şehîd da. Nê serebûtî tarîxê Kurdîstanî de prosesêko newe yê xoverdayîşî da destpêkerdene. Rayber Abdullah Ocalanî nê şehadetî ra dima pê nameyê PKKyî Têgêrayîşê Azadîye awan kerd. Her xoverdayîşo ke wayîrê şehîdan vejîya şehadetê neweyî ardî û ney zî Artêşa Şehîdan vete werte. Nê esasî ser o 18ê Gulane bî Roja Şehîdan, menga gulane zî bîye Menga Şehîdan.

Nika ma sey têgêrayîş û şarî Menga Şehîdan û Roja Şehîdan a 45. de yê. Verî ma şexsê Rayber Apoyî û gerîlayanê fedayîyan de nê xoverdayîşê çêrî selam kenê û ma pê bawer ê ke serkewtişê pîlî do bêrê destvistene. Ma şexsê embaz Hakî Karerî de pêro şehîdanê xo yê çêran pê minet, heskerdiş û rûmetî yad kenê. Ma do Serra Şehadetan a newîye de hîna bihêz wayîrê vîrameyîşê înan vejîyê û armancanê înan ser bivisnê.

18ê gulane heman wextî de serrgêra şehadetê Îbrahîm Kaypakkaya, 6ê gulan serrgêra dardkerdişî yê Denîz Gezmîş, Yusuf Aslan û Huseyîn Înanî, 31ê gulane roja şehadetî ya Sînan Cemgîl û embazanê ci ya. Kaypakkaya Zîndanê Amedî de pê îşkence kişîya. Nê şorişgêrê çêrî Tirkîya û Kurdîstan de verê têkoşînê şorişgêrî akerd. Rayber Apo û PKKyî pê nê çimeyan rayraşîyayîşê azadîye da destpêkerdene. Nê esasî ser o ma şexsê şorişgêrê rayberî  Îbrahîm Kaypakkayayî de pêro şehîdanê şorişê Tirkîya pê minet û rûmetî yad kenê.

Ma zanenê ke na hîkayeya verêne ya şorişgêra vera darbeya faşîste ya 12ê Adara 1971î rayberîya Serek Apoyî  de nêmeyê 1970î ra oey Kurdîstan de vurîya têgêrayîşê şorişgêrî û pê şehadetê Hakî Karerî bi  rayraşîyayîşê şehîdan. Xeleka verêne ya nê zîncîrî nê yê; Halîl Çavguno ke 19ê gulana 1978, de Abdulkadîr Çubukçuyo ke 1ê gulana 1982î de Beyrûd de,  Ferhat Kuray û embazê ci yê ke 17ê gulana 1982î de Zîndanê Amedî de, Îbrahîm Bîlgîn û Mehmet Karasungurê ke 2ê gulana 1982î de Qendîl de şehîd bîyî. Êyê ke menga gulane kerde 'Menga Şehîdan' nê şehîdê pîlî yê û ewro zî Kurdîstan de şer de şehîd benê. Şexsê înan de ma şehîdanê menga gulane bi hûrmet û heskerdişî yad kenê.

Bêguman seba ke ma ewro raştî fam bikerê û pê serkewtişî biciwîyê ganî merdimî şehadetanê 44 serrî verî nika bi qîmî fam bikerê. Ganî merdimî pê na raştîye têbigêrê. Zaf eşkera yo ke înan rayîr akerd, înan zorîye çin kerde, astengî wedaritî û tarîxêko pîl ma rê mîras verda. Nika ma sey şaranê Kurdîstanî û Tirkîya wayîrê nê mîrasî yê û ser kewenê.

Şehadet raştîya dewayêk a. Raştîya têgêrayîşo ke ver bi serfîrazîye şino şehîd û temsîlkarîya ci Rayberîye eşkera kena. Çunke Rayber Apo vano 'Şehîdê ma pê rengê PKKyî ciwîyenê.' Ni nê bingeyî PKKyî Artêşa Şehîdan afernaye û ma pê fermandarîya artêşêka winasêne yenê îdarekerdene. Ganî ma raştîya Rayberîye, partî û şehîdan raşt fam bikerê û bêkêmasî temsîlîya ci bikerê.

Ewro zî gulana 2021î de xeta Rayberîye û şehîdanê ma yê çêran ser o şinê û şer kenê. . Sey têgêrayîş û şarî ma pê na rewşe sereberz ê. Ma xîret kenê ke armancanê înan bîyarê ca. Eşkera bi ke Têgêrayîşê Azadîye bi hezêkê herêmî û dinya. No zî nê hîsê ma îdare keno û ma hîna nêzdîyê serkewtişan ê pîlan ê.

Nê rojan de hîşmendî û sîyaseto qirker ê faşîzmê AKP-MHPyî zêdîya û îqtîdar her ca de şerêkê taybetî keno. Bêguman vera Rayber Apoyî hêrişan zêdîneno û sîstemê îşkence û tecrîdî giranêr keno.  Waranê Zap, Metîna û Avaşînî de hêrişê îşxalî dewam kenê. Ê wazenê hêzanê ma yê gerîlayan qir bikerê û bingeyê partîya ma qels bikerê. Çar parçeyanê Kurdîstanî û teberê welatî de vera şarê ma û hêzanê demokrata hêrişê faşîstî dewam kenê. Ê wazenê Herêmanê Pawitişî yê Medya de û Rojawanê Kurdîstanî de sere de DAÎŞ cerganê faşîstan ca bikerê û merdimîye rê gefan biwanê.

Bêguman armancê dîktatorîya faşîst-qirkere ya AKP-MHPyî qirkerdişê kurdan o û îqtîdar wazeno Kurdîstan tarîxî ra biestero. Coka sere de Rayber Apo, partî û gerîlayî, kurdî, cinî û ciwanî, hêzê şorişgêr-demokratî ma vera nê hêrişanê qirkeran xo ver danê.  Tewirê ma yo îdeolojîk, polîtîk û leşkerî xoverdayîş, şer o. Vera hêrişanê faşîst, qirker û kolonyalîstan xora tewirêko bîn nêbeno. Seke heta nika wina bi naye ra pey zî ma do şerê xoverdayîşî xurtêr bikerê. Senî ke ma heta nika ser kewtî nika ra pey zî do ser bikewê.

Nê esasî ser o sere de cinî û ciwanî ma venga pêro kurdan, şaranê Tirkîya, hêzanê demokratîkan ê Rojhelatê Mîyanênî û dinya danê ke tewrê xoverdayîşî bibê û destek bidê ci. Ma waşt ke vera hêrişanê qirkeran Kurdîstan bipawê. Kurdîstan de cuyêka azade û demokratîke awan bikerê. Ma pîya faşîzmî birijnê û Tirkîyaya demokratîke awan bikerê.

Ma venga şarê ma yê welatperwerî û şaranê Tirkîya danê ke vera faşîzmê AKP-MHPyî têkoşîn bikerê. Ma venga hêzanê ma yê gerîlayan danê ke vera dişmenî bi hawayêkê afernayox, weste, plankerde û rêxistinî şer bikê, ma înan selam kenê. Hîşmendî û sîyaseto qirker verê rijîyayîşî de yo, ma ney lezêr bikerê. Ma venga ê hezanê ke ganî xo ver bidê la nêdanê danê ke tay çêr bibê û destek medê dewleta tirke.

La kam beno wa bibo ma rayîrê xo eşkera kerdo û nê rayîrê ser o ma do dewam bikerê. Ma do tecrîdî bişiknê, faşîzmî birijnê û peynîya îşxalî bîyarê. Ma do Hemleya Wextê Azadîye her ca de geş bikerê. Sere de cinî û ciwanî ma do şerêkê pîlî bikerê û serkewtişêlê pîlî dest bivisnê. Nê esasî ser o ma do armancê şehîdan bîyarê ca.''