Dewleta tirke kampa esîran a Garê daye bombayan ver û nê bombardumanî de 13 merdimê xo kiştî. Dewleta tirke, medya û îqtîdarê ci PKK sûcdar kerd. La pratîkê 40 serran ê PKKyî mojneno ke dewleta tirke zûr kena.

PKK nê 40 serran de goreyê Konvansiyonê Cenevre, peyman û heqanê merdiman esîran rê têgêra û esîrî tim teslîm kerdî. Gerîlayan 90an ra nata bi desan polîs û leşkerî esîr girewtî. 1990-2012î de 110 çalakîyan de 67 polîs, 32 qoricî, 145 karmend, 15 sîyasetmedar, 38 turîst, 2 rojnameger, 36 sivîlî bi temamî 335 kesî esîr girewtî û dima nê kesî vera dayî. Nêzdîbîyayîşê dewleta tirke zî tim cîya bi. Tay mîsalî:

Çalakîya esîrgirewtişî

Çalakîya verêne ya esîrgirewtişî 10ê teşrîna verêne ya 1992î de ameye kerdene. Gerîlayan rayîrê Wan-Tetwanî de payeberzêk, leşkerêk û îmamêk esîr girewtî û leşkerî dima keyeyanê xo rê ameyî teslîmkerdene.

20ê tebaxa 1993î de PKKyî êlih de 13 leşkerî kontrolê rayîrî de esîr girewtî û nê leşkerî zî weş û waş teslîmê keyeyanê înan kerdî.

Kanûna 1994î de Colemêrg de pêkewtişêk de leşker Îbrahîm Yayli sey birîndar ame esîrgirewtene. Gerîlayan tedawîya Yayliyî kerde û dima heyetê wekîlanê Partîya Refahî û rêxistinanê heqanê merdiman rê o teslîm kerd

Temmuza 1996î de gerîlayan qezaya Şemzînanî ya Colemêrgî de eşt qereqolêkî ser û 8 leşkerî esîr kerdî. 8ê tebaxa 1996î de komêka leşkeran kampa Zelê de heyetê ÎHD û MAZLUMDERî rê ameye teslîmkerdene.

Kombîyayîşê 8 leşkeran

18ê temmuza 2005î de leşker Coşkun Kirandi Erzîngan de tepişîya û 4ê tebxa 2005î de Dêrsim de teslîmê heyetêkê sivîlî ame kerdene. Heyet de Temsîlkarê ÎHDyî Nîhdî Perînçek, Serekê ÎHDyî yê ê çaxî yê Amedî Selahattîn Demîrtaş, hunermend Ferhat Tunç û rojnamegerî estbî. Derheqê nê kesan de dima bi îdîaya 'propaganaya rêxistine' dewa ameye akerdene.

Gerîlayan 9ê teşrîna verêne ya 2005î de rayîrê şirnex-Mîdyadî de polîs Hakan Açil esîr girewt la waştîya ey vera daye. Açil 110 rojan ra dima 27ê çeleyê 2006î de Zaxo de heyetêkê bi 8 kesan û babîyê ci rê ame teslîmkerdene.

Orêmar de şerê giranî ra dima 223e teşrîna verêne ya 2007î de 8 leşkerî ameyî esîrgirwtene. Leşkerî warê Çemkoyî yê Zapî de wekîlanê DTPyî Aysele Tugluk, Osman Ozçelîk û Fatma Kurtulan, Wezîrê Karanê Zereyî yê Herêma Kurdîstanî Haci Mahmut Osman, Serekê Toleransê Mîyanneteweyî Kerîm Sîncarî rê ameyî teslîmkerdene. Leşkerî verar şîyî gerîlayan û herême ra vejîyayî.

Dewleta êyê ke ameyî veradayene tepiştî

Nê dîmenan ra semed leşkerî dima tepişîyayî û derheqê endamanê heyetî de zî dewa ameye akerdene.

Dewlete reyna waşt îmha bikera

Gerîlayan qezaya Licê ya Amedî de 10ê êlula 2011î de çawişê pisporî Abdullah Sopçeler, Zîhnî Koç û teknîsyenê weşîye Aytekîn turhan esîr kerdî. Nê kesan Roj TVyî rê qisey kerd û waşt ke wa rêxistinê heqanê merdiman înan teslîm bigêrê. Esîran vat: ''Gerîlayî verê ma de hol têgêrenê, ma rê xirabî nêkenê. Înan vat ê do ma biresnê keyeyanê ma.''

Dewleta tirke zî sey Garê warê gerîlayan bi giranî dayî bombayan ver û operasyonî kerdî. Dewleta tirke xîret kerd ke leşkeranê xo îmha bikera û PKK sûcdar bikera. Gerîlayan esîrî heyetêkî rê teslîm kerdî.

Vengdayîşê Ocalanî

Rayberê Şarê Kurdî abdullah Ocalanî prosesê çareserîye de 2013 de venga gerîlayanê HPGyî da ke wa esîran war verdê. Gerîlayan cade 8 leşker û polîsî heyetê bi Wekîlê Bedlîsî yê BEDPyî Husamettîn Zenderlîoglu, Serekê ÎHDyî Ozturk Turkdogan, Serekê ÎHDyî yê Amedî Racî Bîlîcî, Serekê MAZLUMDERî Ahmet Faruk Unsalî û Serekê Şubeyê MAZLUMDERî Selahattîn Çobanî rê teslîm kerdî.

Yaner Soylu wexto ke artêşa tirke de subay bi amebi esîrkerdene û dima ke vera dîya artêşe ra cîya bibi. Soyluyî wina vatêne: ''Mi uca de dî ke PKK rêxistinêka anarşîste, terorîste yan zî neteperwera basîte nîyo. PKK têgêrayîşêkê merdimîye yo û têkoşînê cuye û heskerdişî dano. Ma sey gerîlayan pê Peymana Cenevre înan rê tênêgêrayêne. Îşkence û ferzkerdişê vera gerîlayanê esîran naye îsbat kenê.