Platformê cuye Awûstûrya û Hambûrg de zî awan bi

Paytextê Awûstûrya Vîyana û bajarê Hambûrgî yê Almanya de "Platformê cuye yê vera tecrîdî” awan bîyî.

Paytextê Awûstûrya Vîyana û bajarê Hambûrgî yê Almanya de û seba ke paştdayîş xoverrodayoxanê grevê vêşanîye rê bêro dayene û  tecrîd serê Ocalanî bêro wedaritene platformê hemparî ameyî awankerdene

Vîyana de Merkezê Cimatê Demokratîkî yê Kurdî yê Vîyana de kombîyayîşêk ame viraştene û AvEG-Kon (Awûstûrya), ADHD, CÎK, Civaka Azad, Avesta, KOMintern, ATÎK-VTÎD, AKM beşdarê kombîyayîşî bîyî. AABF zî bi rengê çimdar cayê xo kombîyayîşî de girewt.Kombîyayîşê awankerdişî yê platformî de seba çalakî û aktîvîteyê ke demê ameyoxî Awûstûrya de bêrê viraştene plankerdişêko hempar ame amadekerdene. Goreyê naye zî, koordînasyonê platformî ame bewlîkerdene, komîteya çapemenîye, têkilîyê teberî, huqûq û weşîye ameyî awankerdene. Goreyê naye zî do 2, 15, 16 û 17'ê Adare de çalakîyî bêrê viraştene.

Bajarê Hambûrgî yê Almaya de zî “Însîyatîfê cuye yê vera tecrîdî” awan bi.Temsîlkarê Însîyatîfê Merkezê Cimatê Demokratîkî yê Kurdî yê Hambûrgî kombîyayîşêk de ameyî têhet û serê kar û plankerdişê çalakîyan de munaqeşe kerde. Peynîya kombîyayîşî de însîyatîfî seba çalakîyan plankerdişêk amede kerd.